Aínda que o gran día foi o 24 de febreiro, Rosalía estivo presente moito antes na elaboración de actividades para os distintos niveis educativos.
Os cativos de E. Infantil preparáronse a conciencia con audiovisuais e audicións musicais, que lles valeron para comprender mellor a vida da nosa poetisa e deixar voar a imaxinación escoitando os seus poemas.
Outra das actividades consistíu en elaborar un debuxo para decorar unha tarxeta postal, inspirándose nuns versos que lles viñan dados. Esta actividade foi proposta pola AELG (Asociación de Escritores en Lingua Galega) coa cal colaboramos.
Outros «artistas» pensaron que se lles daría mellor colorear unha fotografía da nosa poeta.
Aqui podemos velos en plena faena creativa
4º, 5º e 6º de E. PRIMARIA tamén se quixeron sumar á actividade da tarxeta postal.
O resultado pódese ver aqui, con deseños tan marabillosos coma estes !!!
3º, 4º ESO e Bacharelato animáronse a participar a través das redes sociais coa actividade #mobilizaRosalia, a proposta da AELG.
GRAZAS A TODOS OS PARTICIPANTES… POR COLABORAR NO DÍA DE ROSALÍA !!!!