O día 19 de decembro os alumnos de 2º de bacharelato acudiron en Betanzos ao Centro Internacional de Estampa Contemporánea (CIEC) para realizar unha visita didáctica. Alí puideron aprender a diferenciar as principais modalidades de estampación. Logo cada alumno/ a iniciou o proceso de preparación dun tema libre sobre prancha de metal (técnica a punta seca) para estampalo sobre papel levando así uns bonitos recordos desta saída.
O grupo ademais tivo a oportunidade de coñecer o interior dun ben conservado edificio modernista e valorar un importante exemplo do patrimonio histórico betanceiro.
