Enmarcado dentro do proxecto transversal de centro “Planeta 112” e co fin de concienciar ás novas xeracións da necesidade dun futuro sostible contrastando pasado e presente. Así , na mañá do 18 de febreiro, os grupos de 1º e 2º ESO participaron nun faladoiro cun matrimonio de avós de alumnos de EP/1º ESO que compartiron con eles vivencias e experiencias da súa infancia e xuventude (escola, xogos, transporte, costumes…). Cunha exposición clara e amena souberon conectar perfectamente cos rapaces que os atenderon con curiosidade e interese.
Moitísimas gracias, Pepita e José Manuel, sodes uns magníficos oradores e transmisores de historia viva.
